வன்னியிலிருந்து யாழில் குடியேறிய 9 வயது சிறுமி மீது குடும்பஸ்தர் பாலியல் துஸ்பிரயோகம் !

யாழ்ப்பாணம் பொம்மைவெளிப் பகுதியில் கையடக்கத் தொலை பேசிக்கு சார்ச் போடச்சென்ற 9 வயது சிறுமியை குடும்பஸ்தர் ஒருவர் துஷ்பிரயோகம் செய்ய முற்பட்ட சம்பவம் ஒன்று இடம்பெற்றுள்ளது.

நேற்று மாலை 6 மணியளவில் இச்சம்பவம் இடம்பெற்றுள்ளது. இச்சம்பவம் தொடர்பாக மேலும் தெரியவருவதாவது,

பக்கத்து வீட்டிற்கு கையடக்க தொலைபேசிக்கு சார்ச் செய்வதற்கு சிறுமி சென்றபோது அங்கிருந்த 38 வயதுடைய திருமணமான குடும்பஸ்தர் குறித்த சிறுமியுடன் தகாத முறையில் நடக்க முயன்றுள்ளார்.

இதனையடுத்து, குறித்த சிறுமியின் தாயாரால் கெடுக்கப்பட்ட முறைப்பாட்டைத் தொடர்ந்து, குடும்பஸ்தர் யாழ்.பொலிஸாரால் கைது செய்யப்பட்டு யாழ்.நீதிவான் நீதிமன்றில் இன்று ஆஜர்படுத்தப்பட்டார்.

பாதிக்கப்பட்ட சிறுமியை யாழ்.போதனா வைத்தியசாலையில் சிகிச்சைகளுக்காக ஒப்படைக்குமாறும், சந்தேகநபரை விளக்க மறியலில் வைக்குமாறும் நீதுவான் உத்தவிட்டுள்ளார்.

இக்குடும்பம் வன்னி யுத்தத்தினால் பாதிக்கப்பட்டு யாழ்ப்பாணத்தில் வந்து குடியிருந்தவர்கள் என்பதோடு கணவன் இல்லாததால் தாயே பிள்ளைகளை கூலி வேலை செய்து கவனித்து வருகின்றார்.