மங்காத்தாவிற்கு பின்பு விக்ரம் நடிக்கும் ராஜபாட்டை படத்தை சன் பிக்சர்ஸ் வாங்கியுள்ளது.
சுசீந்திரன் இயக்கத்தில் உருவாகி வரும் புதிய படம் ராஜபாட்டை. இதில் சீயான் விக்ரம் - தீக்ஷா சேத் நடிக்கிறார்கள்.
இந்தப் படத்தில் ஸ்ரேயா, ரீமா சென் இருவரும் ஒரு குத்துப் பாட்டுக்கு நடனம் ஆடுகிறார்கள்.
இறுதிக்கட்டப் படப்பிடிப்பு நடந்து வருகிறது. இந்நிலையில் ராஜபாட்டையின் வெளியீட்டு உரிமையை சன் பிக்சர்ஸ் நிறுவனம் வாங்கியுள்ளது.
சமீபத்தில் சன் பிக்சர்ஸ் வெளியிட்ட படங்களில் மங்காத்தா வெற்றி பெற்றது. ஆனால் அடுத்து வெளியிட்ட வெடி தோல்வியைத் தழுவியது.
இந்நிலையில் சன் பிக்சர்ஸ் ராஜபாட்டையை வாங்கியுள்ளது. அடுத்ததாக ஷங்கர் இயக்கத்தில் வெளியாகும் விஜய் நடிக்கும் நண்பனையும் சன் பிக்சர்ஸ் வெளியிடவிருக்கிறதாக கொலிவுட் செய்திகள் தெரிவிக்கின்றன.
